Կրճատվել է ևս 30 ծառայողական մեքենա

Այսօր կառավարության նիստում կառավարության աշխատակազմի ղեկավար-նախարար Դավիթ Հարությունյանը զեկուցեց վարչապետի հանձնարարականի վերաբերյալ՝ օպտիմալացման համատեքստում: Նա նշեց, որ այս շաբաթվա ընթացքում կրճատվել է ևս 30 ծառայողական մեքենա:

Այս պահի դրությամբ բյուջեից ուղղակի և անուղղակի ֆինանասվորվող կրճատված մեքենաների թիվը հասնում է 798-ի, հանրապետական գործադիր մարմիններում կրճատվող մեքենաների թիվը 137 է:

«Արձանագրային որոշմամբ ցույց ենք տալիս, թե որ մարմիններում քանի մեքենա է կրճատվում, բայց ավելի կարևոր են արձանագրության երկրորդ և երրորդ սյունակները : Երկրորդ սյունյակում արտացոլված է, թե քանի մեքենայի հաշվարկով է յուրաքանչյուր գործադիր մարմնի համար պլանավորել 2016 թ. բյուջեն: Երրորդ սյունակը ցույց է տալիս, թե 2017թ. բյուջեն յուրաքանչյուր մարմնի համար քանի մեքենայի հաշվարկով է պլանավորվելու»,- ասաց Դավիթ Հարությունյանը: