Հայրենիքն ապրանք ու ծառայության մատուցում չէ, այն սակարկելի չէ՛

Արթուր Եղիազարյանը ֆեյսբուքյան իր էջում գրում է.«Ես պատրաստ եմ զիջումների գնալ Ադրբեջանի Հանրապետության հետ՝ հանուն վերջնական կայուն խաղաղության հաստատման ու իրենց կողմից Հայոց Պետականությունների ճանաչման դիմաց:
1. Դեմ չեմ, որ Ադրբեջանի քաղաքացիական ինքնաթիռները Հայոց Պետականության երկնքով թռչեն:
2. Դեմ չեմ, որ մեր սահմանապահական ու մաքսային անցակետերով մեր երկրի տարածքով անցնեն այլ երկիր:
3. Չեմ առարկում, որ նավթի ու գազի խողովակաշարները մեր երկրի տարածքով անցնեն՝ համապատասխան վարձ մուծելով մեզ: Գինը՝ կսակարկենք:
4. Չեմ առարկում, որ համապատասխան պայմանագրի հիման վրա՝ մեր երկրից դուրս հոսող գետերի ավելորդ ջրերը ջրատարներով տրամադրենք իրենց՝ համապատասխան վարձի դիմաց:

Իսկ ինչ վերաբերում է տարածքներին, հողերին ... ասեմ.
- ՀԱՅՐԵՆԻՔՆ ԱՊՐԱՆՔ ՈՒ ԾԱՌԱՅՈՒԹՅԱՆ ՄԱՏՈՒՑՈՒՄ ՉԻ, ԱՅՆ ՍԱԿԱՐԿԵԼԻ ՉԷ՛»: