Ֆրանսիայի ԱԺ փոխխոսնակը հրաժարական է տվել սեքսուալ բնույթի սկանդալից հետո

Ֆրանսիայի Ազգային ժողովի նախագահ Ժան Կլոդ Բարտոլոնը պաշտոնից ազատել է իր տեղակալ Դենի Բոպենին, ով մեղադրվում է սեռական բնույթի նկրտումների մեջ. ըստ РИА Новости-ի` հաղորդում է France Presse գործակալությունը:

Բոպենը պատգամավոր էր ընտրվել Կանաչների կուսակցությունից, որի մի շարք կին պատգամավորներ այժմ նրան «ոտնձգությունների և սեռական ագրեսիայի» մեղադրանք են ներկայացնում: Բոպենի ենթադրյալ զոհերի վկայությունները երկուշաբթի տարածել են France Inter ռադիոկայանը և Mediapart պորտալը:

Սկանդալից որոշ ժամանակ անց Ազգային ժողովի նախագահը հրավիրել է Բոպենին և պահանջել հրաժարական տալ:

Բոպենի փաստաբանը հաստատել է հրաժարականի մասին լուրը, սակայն հայտարարել, որ իր պաշտպանյալն անմեղ է: Նա նշել է, որ քաղաքական գործիչը հավանորեն դատարան կդիմի` իրեն զրպարտելու բողոքով: