Որտեղի՞ց է Էրդողանի զավակների` տասնյակ միլիոնները գերազանցող ունեցվածքը. գերմանական Bild

Գերմանական Bild թերթը հոդված է հրապարակել Թուրքիայի նախագահ Ռեջեփ Թայիփ Էրդողանի զավակների` տասնյակ միլիոնները գերազանցող ունեցվածքի մասին. տեղեկացնում է Siyasihaber3-ը:

«Որպես նախագահ` եթե Էրդողանի տարեկան եկամուտը կազմում է 50.000 եվրո (մոտ 57.000 ԱՄՆ դոլար), իսկ նրա զավակները լողում են հարստության մեջ: Որտեղի՞ց է նրա երեխաների` տասնյակ միլիոնները գերազանցող ունեցվածքը»,- գրել է թերթը` թվելով նրանց եկամուտի աղբյուրները:

«Շպարի պարագաների արտադրությունից մինչև պատրաստի սնունդ, նավի արտադրությունից մինչև ոսկերչություն, և նման շատ այլ բնագավառներում արտադրանք ունեցող Բուրաք Էրդողանի ունեցվածը կազմում է 80 միլիոն ԱՄՆ դոլար»,- գրել է թերթը` հիշեցնելով «մութ գործերի հետ առնչություն ունենալու» համար հաճախ մամուլում երևացող Բիլալ Էրդողանի և Իտալիայում նրա դեմ հարուցված դատական գործընթացների մասին:

Գերմանական թերթը հիշեցրել է նաև Բիլալի մասին The Guardian թերթի հոդվածը, որում մի շարք թուրք գործարարներ մեղադրվում էին ԻՊ ահաբեկիչների հետ կապեր ունենալու մեջ: «Այդ գործարարներից մեկն էլ Բիլալ Էրդողանն էր»,- գրել է Bild-ը: