Հայոց ցեղասպանության 100-րդ տարելիցին նվիրված ֆիլմն այսօր առաջին անգամ էկրան կբարձրանա Թուրքիայում

Այսօր Թուրքիայում էկրան կբարձրանա Հայոց ցեղասպանության մասին «Կորուսյալ թռչուններ» գեղարվեստական ֆիլմը, որը 1915-ի մասին Թուրքիայում նկարահանված առաջին ֆիլմն է:

Ֆիլմի սցենարի հեղինակը և համառեժիսորը ազգությամբ հայ Արեն Փերդեջին է, մյուս համառեժիսորը՝ ազգությամբ թուրք Էլա Ալյամաջը: Ֆիլմի սյուժեն ծավալվում է քույր և եղբոր շուրջ, ովքեր Հայոց ցեղասպանությունից հետո շարունակում են մնալ նախնիների հողում:

Սիրո ու ընտանեկան պատմության մասին պատմող ֆիլմի գլխավոր դերասանները ևս հայ և թուրք Հերոս Աակոբյանն ու Դիլա Ուլուջան են, ֆիլմում նկարահանվել են նաև Թուրքիայում ապրող հայ դերասաններ:

Ֆիլմը շրջադարձային աշխատանք է թուրքական կինոյի համար, քանի որ առաջինն է ողբերգության մասին և նվիրված է Հայոց ցեղասպանության 100-րդ տարելիցին:

Ֆիլմը կցուցադրվի Անկարայում, Պոլսում, Իզմիրում, Իզմիթում և Մարդինում: