Կենդանիների ձայներ հանելով՝ Էրդողանի թիկնապահները փորձել են ոչ լսելի դարձնել նրա դեմ վանկարկումները

Պաշտոնական այցով ԱՄՆ մեկնած` Թուրքիայի նախագահ Ռեջեփ Թայիփ Էրդողանին դիմավորել են բողոքի ցույցերով:

Հակաէրդողանական պաստառներ պարզած և «Ահաբեկիչ Էրդողան» վանկարկող թուրքերին լռեցնելու համար Էրդողանի թիկնապահները սպառնալիքներ են հնչեցրել: «Ոտքերդ Թուրքիա չդնեք»,- տեսանյութերից մեկում լսելի է թիկնապահներից մեկի՝ ցուցարարին ուղղված սպառնալիքը:

Ավելին՝ ցուցարարների՝ Էրդողանին ուղղված վիրավորանքները ոչ լսելի դարձնելու համար թիկնապահները կենդանիների ձայներ են հանել՝ խայտառակելով և\' իրենց, և\' նախագահին:

Հիշեցնենք, որ Էրդողանի թիկնապահները Էկվադորում կոտրել էին Էրդողանին «մարդասպան» անվանած պատգամավորի քիթը: