Դավութօղլուն և Մերկելը քննարկել են Բրյուսելում տեղի ունեցած ահաբեկչությունը

Գերմանական կողմի նախաձեռնությամբ՝ Թուրքիայի վարչապետ Ահմեդ Դավութօղլուն հեռախոսազրույց է ունեցել Գերմանիայի կանցլեր Անգելա Մերկելի հետ և քննարկել Բրյուսելում տեղի ունեցած ահաբեկչությունները:

Ըստ AA-ի՝ նրանք քննադատել են Բելգիայի մայրաքաղաքում տեղի ունեցած արյունալի ահաբեկչությունն ու ընդգծել ահաբեկչության դեմ պայքարելու հարցում համատեղ քայլեր ձեռնարկելու անհրաժեշտությունը:

Անդրադառնալով նաև փախստականների ճգնաժամի լուծման թեմային՝ կողմերը նշել են, որ Անկարայի և ԵՄ-ի միջև ձեռք բերված համաձայնությունները կարևոր դեր ունեն հավանական սպառնալիքները վերացնելու հարցում, ինչպիսին են ապօրինի միգրացիան, փախստականների մահվան դեպքերը և այլն: