Ժիրինովսկին հորդորում է ձեռնպահ մնալ գիշերային թռիչքներից

Ռուսաստանի Լիբերալ-դեմոկրատական կուսակցության ղեկավար Վլադիմիր Ժիրինովսկին խորհուրդ է տվել ռուսաստանցիներին` խուսափել գիշերային ավիաթռիչքներից:

«Ավտոբուսների ու ինքնաթիռների բոլոր վթարները տեղի են ունենում գիշերը: Ուրեմն թռչեք ցերեկային ժամերին: Առավել ևս` ավտոբուսների դեպքում. վարորդներն արագ են վարում ու քնում ղեկին»,- ասել է նա:

Ժիրինովսկին համարում է, որ ամենամեծ վտանգը ճանապարհներին է, քանի որ կա հանդիպակաց ուղի, իսկ ինքնաթիռը կործանվում է, որովհետև թույլ են տալիս վայրէջք կատարել, իսկ դա չի կարելի անել:

Նշենք, որ մարտի 19-ի գիշերը Դուբայից թռնող «Բոինգ 737-800» ինքնաթիռը վայրէջք կատարելիս վթարի է ենթարկվել Դոնի Ռոստովում: Հարուցվել  է քրեական գործ: Դիտարկվում է վթարի երկու հիմնական վարկած՝ օդաչուների սխալը և տեխնիկական անսարքությունը: