«Շիրակ»-ը պայմանագիր է ստորագրել Ռումյան Հովսեփյանի և 2 ամերիկացի ֆուտբոլիստի հետ

Գյումրիի «Շիրակ»-ը պայմանագրեր է ստորագրել երեք ֆուտբոլիստների հետ՝ ամերիկացիներ Էդեր Սմիթ Արեոլանի և Էդգար Էսպինոզանի, ինչպես նաև Հայաստանի հավաքականի անդամ Ռումյան Հովսեփյանի հետ։  Ինչպես տեղեկացնում է ակումբի մամուլի ծառայությունը, վերջինս սկսել է գյումրեցիների հետ մարզվել երեկվանից։ 

Բոլոր երեք պայմանագրերն էլ նախատեսված են մինչև սույն թվականի հուլիսի 31-ը։

Գյումրեցիների մարզչական շտաբը հրաժարվել է իվուարցիներ Կուակու Նդրի Մարսել Լեինսենի, Դիոն Սեդե Ջունի, Կուադիո Էմանուել Կլավիուսի ծառայություններից։ Վերջինս «Շիրակ»-ի կազմում հադես է եկել «ԼԱ Գելեքսի»-ի հետ խաղում։ «Շիրակ»-ի ճամբարից հեռացել են նաև Սևակ Փարսադանյանը (Ռուսաստան) և սերբ Դարկո Ռադոսավլևիչը։

Վաղը` փետրվարի 17-ին, «Շիրակ»-ը կմեկնի Սոչի` երկրորդ ուսումնամարզական հավաքի: