Թուրքիայում հայ ընտանիքին կողոպտելու կասկածանքով ձերբակալված հայերից 3-ը կալանավորվեցին

Փետրվարի 6-ին Կ.Պոլսի Շիշլի թաղամասում հայ ընտանիքին կողոպտելու կասկածանքով ձերբակալված 15 անձանցից 3-ը կալանավորվել են:

Ըստ «Ակօս»-ի՝ Կ.Պոլսի ոստիկանատնից Չաղլայանի արդարադատության պալատ ուղարկված կասկածյալները մինչև ուշ երեկո ցուցմունք են տվել: Դատարանի որոշմամբ՝ Արթուր Ա.-ն, Արամ Է.-ն և Սերժ Բ.-ն ձերբակալվել են, իսկ մյուս 12 ձերբակալվածները՝ կանայք, ոստիկանության վերահսկողության տակ մնալու պայմանով ազատ արձակվել:

Հիշեցնենք, որ փետրվարի 6-ին Կ.Պոլսի Շիշլի թաղամասում մի խումբ ավազակներ թալանելու նպատակով մտել էին տարեց հայ զույգի տուն, կողոպուտից հետո զույգին կապկպել ու հեռացել: Արդյունքում` 87-ամյա ամուսինը խեղդվել էր, իսկ 79-ամյա կինը ծանր վիճակում տեղափոխվել հիվանդանոց:

Նշենք, որ ՀՀ ՀՀ ԱԳՆ-ն հաստատել է Թուրքիայում ձերբակալվածների թվում ՀՀ քաղաքացիներ լինելու մասին` թուրքական ոստիկանության տարածած հայտարարությունը: