Քաղաքապետարանի պաշտոնյայի կողմից մահվան հանգեցրած վրաերթից 4 ամիս անց փորձաքննության պատասխանները չեն ստացվել

Երևանի քաղաքապետարանի առևտրի վարչության պետ Արման Եդոյանի կողմից Ռուբինյանց փողոցի թիվ 20 շենքի դիմաց հետիոտնին վրաերթի ենթարկելու դեպքից 4 ամիս անց էական նշանակություն ունեցող փորձաքննությունների եզրակացությունները դեռ չեն ստացվել: Այս մասին yerkir.am-ի գրավոր հարցմանն ի պատասխան հայտնեցին ՀՀ քննչական կոմիտեի դեպարտամենտի տեղեկատվության և հասարականյության հետ կապերի բաժնից:

Նշենք, որ Արման Եդոյանն այս գործով դեռևս վկայի կարգավիճակում է: Դեպքի առթիվ նշանակվէլ է դիակի դատաբժշկական, համալիր՝ դատահետքաբանական, դատաքիմիական և մանրաթելային, ինչպես նաև դատաավտոտեխնիկական փորձաքննություն: Հիշեցնենք, որ վրաերթի հետևանքով տեղում մահացել էր 53-ամյա Խ. Մկրտչյանը: Դեպքի առթիվ հարուցվել է քրեական գործ՝ ՀՀ քրեական օրենսգրքի 242-րդ հոդվածի 2-րդ մասով: Նախաքննությունը շարունակվում է: