Հայկական հարցով մասնագետը նշանակվել է Էրդողանի աշխատակազմի գլխավոր խորհրդական

Թուրքիայի նախագահ Էրդողանի աշխատակազմում գլխավոր խորհրդական է նշանակվել իշխող «Արդարություն և զարգացում» կուսակցության նախկին պատգամավոր, հիմնականում Հայկական հարցում մասնագիտացած պատմաբան Սեյիթ Սերթչելիքը, ով նախկինում բազմիցս հերքել է Հայոց ցեղասպանության փաստը. տեղեկացնում է Sozcu-ն՝ առանձնահատուկ ուշադրություն դարձնելով նոր խորհրդականի նշանակման ժամանակին:

Կայքը ուշադրություն է հրավիրել այն փաստին, որ այս նշանակումը տեղի է ունեցել այն ժամանակ, երբ ռուս-թուրքական հարաբերություններում ճգնաժամ է, և Ռուսաստանը ռազմավարական մակարդակով Հայաստանի հետ հարաբերություններն ավելի է զարգացնում:

Հիշեցնելով նաև, որ Թուրքիայի կողմից ռուսական ինքնաթիռի խոցումից հետ Ռուսաստանը որոշեց Հայաստանի հետ հակաօդային պաշտպանության համատեղ համակարգ ստեղծել, կայքը գրել է. «Միջադեպից հետո առաջացած կոնֆլիկտն իր ազդեցությունն է ունենում նաև Ղարաբաղյան հիմնախնդրի վրա»: