Հնդկական պարբերականը խորհուրդ է տալիս հանգստանալ Հայաստանում

Եթե ձեզ ոգեշնչում է վաղ քրիստոնեական և ժամանակակից կառույցների համատեղությունը, ապա Հայաստանը լավագույն տեղն է: Այդ մասին, ինչպես հայտնում է rusarminfo-ն, գրում է հնդկական հայտնի The Times of India պարբերականը:

Պարբերականը խորհուրդ է տալիս այցելել Հայաստանը` նշելով, որ դա հարուստ կրոնական ժառանգություն և գեղատեսիլ բնություն ունեցող երկիր է, որտեղ զբոսաշրջիկներին համեղ կկերակրեն և ջերմություն կնվիրեն: Մասնավորապես խորհուրդ է տրվում այցելել Խոր Վիրապ, Գառնի, Էջմիածին, Սևան և Ծաղկաձոր:

Պարբերականը նաև նշում է, որ Հայաստանում լավ ծանոթ են հնդկական ֆիլմերին, և պետք չէ զարմանալ, եթե հայերի հետ զրույցի ժամանակ նրանք ասեն Բոլիվուդի հայտնի ֆիլմերի  հերոսների անունները: