Ի՞նչ է զոհված կապիտանի անունը. ադրբեջանական պարբերականը զարմացած է

Ադրբեջանական haqqin.az պարբերականում հոդված է հրապարակվել «Ի՞նչ է իրականում կատարվել շփման գծում» վերնագրով: Հոդվածագիրն անդրադառնում է վերջին օրերին ղարաբաղա-ադրբեջանական զորքերի շփման գծում առկա լարվածությանը և տեղի ունեցած միջադեպերին:

Լրագրողը, բնականաբար,  առաջնորդվելով ադրբեջանական ժողովրդի «աչքին թոզ փչելու» քաղաքականությամբ, հերքում է ադրբեջանական չհաջողված դիվերսիայի փաստը, սակայն հոդվածի վերջում գրում է.

«Ադրբեջանական կողմը բացատրություններ չի տալիս՝ իրավիճակի հետ կապված: Չկա որևէ տեղեկություն շփման գծում տիրող իրավիճակի մասին: Ամեն օր տեղեկություն է հայտնվում բանակում ինքնասպանությունների, վթարների մասին: Եվ նման անհասկանալի պայմաներում հանկարծ ի հայտ է գալիս զոհված կապիտանի մասին լուրը: Իսկ նրա անունը նույնիսկ չի հրապարակվում»:

Հոդվածագիրը նաև նշում է, որ առկա լարվածությունը սահմանին մեծացել է Փարիզում նախատեսված Նալբանդյան-Մամեդյարով հանդիպման ֆոնին: