ՌԴ-ի հրապարակած փաստերը նյարդայնացրել են Դավութօղլուին

Թուրքիայի վարչապետ Ահմեդ Դավութօղլուն ԻՊ-ից նավթ գնելու մասին Թուրքիային ուղղված Ռուսաստանի մեղադրանքները համեմատել է խորհրդային քարոզչամեքենայի հետ. տեղեկացնում է Demokrathaber-ը:

«Սառը պատերազմի տարիներին կար խորհրդային քարոզչամեքենա։ Ամեն օր այն զանազան ստեր էր հորինում, որոնց, առաջին հերթին, հավատում էին իրենք ու սպասում: Այն հատկությունները, որոնք Սառը պատերազմից հետո մեզ թվացել է, թե Ռուսաստանը մոռացել է, վերջին 20-25 տարում ի հայտ են գալիս: Այդ քարոզչությանը ոչ ոք նշանակություն չի տալիս»,- հայտարարել է Դավութօղլուն:

Հիշեցնենք, որ Ռուսաստանի Պաշտպանության նախարարությունը ապացույցներ էր ներկայացրել այն մասին, որ թուրքական նավահանգիստներում  կայանված են իսլամիստներին ենթակա տարածքներից ժամանած բենզատար մեքենաներ: