Ո՞ւմ էինք մի կտոր հաց տվել... Հովիկ Աբրահամյան

Այսօր կառավարության նիստում էներգետիկայի և բնական պաշարների փոխնախարար Լևոն Շահվերդյանը ներկայացրեց նախագիծ, ըստ որի՝ պետք է մշակվի մեթոդ էլեկտրաէներգիայի ապօրինի սպառումը կանխելու և ապօրինի սպառման վնասները հատուցելու համար: Նախագիծը ներկայացնելուց հետո Լևոն Շահվերդյանը վարչապետ Հովիկ Աբրահամյանից  մեկ օր ժամանակ խնդրեց, քանի որ Բաղրամյան 26-ից տեխնիկական բնույթի առաջարկներ են ստացել: «Նախագահականից էին զանգ տվել՝ իրավաբանական բաժնից, որ տեխնիկական բնույթի առաջարկ են ներկայացրել»,- ասաց փոխնախարարը:

Հովիկ Աբրահամյանն էլ կատակեց. «Լավ է՝ զանգին պատասխանել ես, բա որ չպատասխանեիր... Ո՞ւմ էինք մի կտոր հաց տվել»: