Նոր Սահմանադրությունը չպետք է դիտվի որպես նախագահի իշխանության հզորացում. Դավութօղլու

Պետք է ստեղծել ազատատենչ, առանց հովանավորչության, համամարդկային արժեքների համատեղությամբ սահմանադրություն. նման հայտարարություն է արել Թուրքիայի վարչապետ Ահմեդ Դավութօղլուն` անդրադառնալով նախագահ Էրդողանի՝ նոր Սահմանադրություն ստեղծելու վերաբերյալ հայտարարությանը:

Ըստ Demokrathaber-ի՝ Դավութօղլուի խոսքով՝ նոր Սահմանադրություն ստեղծելը չպետք է դիտվի որպես նախագահի իշխանության հզորացում: «Պետությունն ու ժողովրդավարությունը կարիք ունեն վերականգնվելու: Պետք է այս ամենը հանգիստ քննարկել: Նոր Սահմանադրություն կընդլայնի մեր հորիզոնները: Պետք է խոսենք, թե ինչպես կարող ենք ստեղծել Սահմանադրություն, որը պետության փոխարեն մարդուն առաջին պլան կմղի»,-  ասել է վարչապետը: