ԵՄ-ն Թուրքիան օգտագործում է որպես բուֆերային գոտի. թուրքական ընդդիմություն

Թուրքիայի  ընդդիմադիր «Ժողովրդա-հանրապետական» կուսակցության առաջնորդ Քեմալ Քըլըչդարօղլուն հայտարարել է, որ ԵՄ-ն ձգտում է Թուրքիան օգտագործել որպես բուֆերային գոտի փախստականների համար, մինչդեռ դա  հակասում է եվրոպական արժեքներին:

«Մենք ականատես ենք ժամանակակից պատմության խոշորագույն միգրացիոն ճգնաժամին։ Ընդ որում՝ Թուրքիան ընդունել է ամենամեծ թվով փախստականներին։Խնդիրը կարող է լուծվել միայն համերաշխության, համագործակցության ու ԵՄ-ի ու Թուրքիայի միջև պատասխանատվության բեռի կիսման հիման վրա։ Հակառակ դեպքում ճգնաժամը կարող է ավելի խորանալ։

Մենք չենք տեսնում ԵՄ-ի կողմից այնպիսի քայլեր, որոնք կհամապատասխանեն Թուրքիայի շահերին։ ԵՄ-ի նպատակը Թուրքիայի տարածքը փախստականների համար որպես բուֆերային գոտի օգտագործելն է՝ տալով նրան մի փոքր գումար»,- ասել է Քըլըչդարօղլուն։