Էրդողանը զանգահարել է Պուտինին՝ Ասադի այցի մասին տեղեկանալու

Թուրքիայի նախագահ Ռեջեփ Թայիփ Էրդողան Սիրիայի նախագահ Բաշար ալ Ասադի՝ Մոսկվա այցից հետո զանգահարել է Ռուսաստանի նախագահ Վլադիմիր Պուտինին:

Ըստ CNNTurk-ի՝ Էրդողանն իր մտահոգությունն է հայտնել Պուտինին Սիրիայում տեղի ունեցող վերջին իրադարձությունների, հատկապես՝ Հալեպի վրա իրականացվող հարձակումների առնչությամբ: Նրա խոսքով՝ դրանք կարող են փախստականների նոր ալիքի պատճառ դառնալ:

Էրդողանը հայտնել է նաև, թե Սիրիայի քրդերը կապ ունեն Թուրքիայում արգելված Քրդական բանվորական կուսակցության հետ, իսկ Թուրքիան պայքար է մղում ինչպես «Իսլամական պետության», այնպես էլ այլ խմբավորումների դեմ:

Նախագահները պայմանավորվել են  ավելի մանրամասն խոսել հաջորդ ամիս անցկացվելիք  G-20 գագաթաժողովի շրջանակներում: