Երևանյան կիսամարաթոնի հաղթողները հայտնի են

 Այսօր Երևանում տեղի ունեցավ վազքի առաջին միջազգային  կիսամարաթոնը, որն ընգրկված է «Էրեբունի-Երևան 2797»-ին նվիրված միջոցառումների շարքում:

  Տարբեր տարիքային խմբերի ներկայացուցիչներ ուժերն են չափել 4 տարբեր մրցատարածություններում. 21.1 կմ, 10 կմ, 2.1 կմ և 1 կմ (մանկական):Վազքուղին հավաստագրված է եղել AIMS (Մարաթոնների միջազգային կազմակերպության) կողմից: Կիսամարաթոնի դրամական պարգևների ֆոնդի համապատասխան՝ 21 կմ մրցավազքի համար առաջին երեք տեղը զբաղեցրած կանայք և տղամարդիկ պարգևատրվել են, համապատասխանաբար, 1.000.000, 750.000 և 500.000 ՀՀ դրամով: 10կմ վազքատարածության կանանց և տղամարդկանց առաջին երեք տեղեր զբաղեցրած մասնակիցները պարգևատրվել են 200.000, 150.000 և 100.000 ՀՀ դրամով: 21 կմ մրցավազքում տարիքային խմբերի հաղթողները, ինչպես նաև 2 և 1 կմ մանկական վազքարշավների հաղթողները կիսամարաթոնի հովանավորների կողմից ստացել են արժեքավոր նվերներ։ 

 Կանանց պայքարում 10 կմ  մրցման հաղթողներն են՝

1-ին տեղ՝ Աննա Ռուսկիխ
2-րդ տեղ՝ Աննա Սապրիկինա
3-րդ՝ Սիլվիա Յուսեֆին

Տղամարդկանց պայքարում՝

1-ին տեղ՝ Երվանդ Մկրտչյան
2-րդ տեղ՝ Աշոտ Հայրապետյան
3-րդ՝ Միխայիլ Պեշկով

 21 կմ

Կանայք.

1-ին տեղ` Օլգա Սկրիպակ
2-րդ տեղ`  Կատարինա Անդեր
3-րդ տեղ` Էլոդի Բիոլայ

Տղամարդիկ.
1-ին տեղ`
Ռինաս Ախմադեև
2-րդ տեղ` Սեյմեդհի Շարիֆհի
3-րդ տեղ` Սանտիագո Մեզկուտա