Ապագայի համապարփակ համաձայնություն. Ուորլիքի ակնկալիքը Սարգսյան-Ալիեւ հանդիպումից

ԵԱՀԿ Մինսկի խմբի ամերիկացի համանախագահ Ջեյմս Ուորլիքը «Արմենիա» հեռուստաընկերության «Ժամը» լրատվականի հետ հարցազրույցում վերահաստատել է, որ մինչեւ տարեվերջ հնարավոր է Հայաստանի եւ Ադրբեջանի նախագահների հանդիպում:

Հարցին, թե ո՞ր փուլում է գտնվում բանակցային գործընթացը, ի վերջո, նախագահները ո՞ր կետից են շարունակելու բանակցությունները, սկսելու ենք զրոյի՞ց, թե՞ շարունակելու են աշխատել Մադրիդյան սկզբունքների վրա, Ուորլիքը պատասխանել է. «Նախագահներն ասել են, որ ցանկանում են ունենալ ինտենսիվ երկխոսություն, և մենք կաջակցենք դրան: Այդ երկխոսությունը հիմնված է որոշակի սկզբունքների և տարրերի վրա, որոնց վերաբերյալ արդեն կա համաձայնություն: Դա այս տարիների ընթացքում քննարկումների շրջանակն է, և մենք ցանկանում ենք դրա վրա կառուցել ապագայի համապարփակ համաձայնությունը»: