Գալուստ Սահակյանը բացատրում է Հովիկ Աբրահամյանի եւ Գագիկ Խաչատրյանի հայտարարությունները

Այսօր լրագրողները ԱԺ նախագահ Գալուստ Սահակյանից հետաքրքրվեցին, թե տնտեսական աճի ցուցանիշների վերաբերյալ տարբեր պաշտոնյաների հայտարարություններում ինչո՞ւ հակասություն կա, մասնավորապես` վարչապետը հայտարարում է, որ ունենք 4 տոկոս տնտեսական աճ, իսկ ֆինանսների նախարար Գագիկ Խաչատրյանն ասում է, որ տնտեսության բոլոր ճյուղերում անկումներ են գրանցվում:

«Ֆինանսների նախարարը չի ասում` բոլոր ճյուղերում անկում կա, ֆինանսների նախարարն իր վերլուծություններով ընդամենը համոզիչ կերպով ներկայացնում է, որ տնտեսական դաշտում ունենք վտանգներ: Եթե այս պահին 4 տոկոս տնտեսական աճ կա, դա ոչ թե վարչապետի համոզումն է, այլ իրական պատկերը: Խոսքը վերաբերում է հետագա գործընթացներին, որովհետև թե\' ԵՏՄ-ում, թե\' ամբողջ աշխարհում լուրջ տնտեսական անկումային պրոցեսներ են ընթանում: Նախարարը պարզապես ահազանգում է, որ մենք կարողանանք պահպանել մեր դիրքերը հետագայի համար»,- ասաց Գալուստ Սահակյանը: