Երեք օրում էնքան կրակեցին, որ երկու ամսվա տեղը հանեցին

Հայ-ադրբեջանական սահմանին տիրող լարվածությունը վերջին օրերին նվազել է: Yerkir.am-ի հետ զրույցում սահմանամերձ Այգեպար և Մովսես համայնքների ղեկավարները հայտնեցին, որ անցած շաբաթ կրակոցները հաճախակի չեն եղել:

Այգեպարի գյուղապետ  Անդրանիկ Այդինյանը Yerkir.am-ի հետ զրույցում ասաց, որ վերջին օրերին շատ քիչ են կրակել: «Մեզ մոտ ամեն ինչ նորմալ է: Իսկ էն քանի օրը, որ տենց ակտիվացել էին,  երկու ամիս հանգիստ մնացածի տեղն էին հանում: Երեք օրում էնքան կրակեցին, որ երկու ամսվա տեղը հանեցին»,- ասաց նա:

Մովսեսի գյուղապետ Արարատ Ավալյանը ևս ասաց, որ սահմանին հիմնականում հանգիստ է: «Ընդհանուր առմամբ, քիչ են կրակոցները վերջին օրերին: Մենակ երեկ է մի քանի կրակոց եղել իրենց կողմից, բայց մերոնք շան տեղ չեն էլ դրել: Մեզ մոտ ամեն ինչ նորմալ է»,- նշեց գյուղապետը: