Եղեգնաձոր- Հերմոն ավտոճանապարհին «ՈւԱԶ»-ը սահել է ձորակն ու շրջվել

Սեպտեմբերի 9-ին՝ ժամը 16:59-ին, ահազանգ է ստացվել, որ Շատին-Հերմոն ավտոճանապարհին տեղի է ունեցել ՃՏՊ, կան տուժածներ. անհրաժեշտ է փրկարարների օգնությունը:

Ինչպես տեղեկացնում է ՀՀ ՏԿԱԻՆ-ը, դեպքի վայր է մեկնել մեկ մարտական հաշվարկ:

Պարզվել է, որ Եղեգնաձոր - Հերմոն ավտոճանապարհի 22-րդ կմ-ում «ՈւԱԶ-469» մակնիշի 18 SL 335 պետհամարանիշի ավտոմեքենան դուրս է եկել ճանապարհի երթևեկելի հատվածից և սահելով (մոտ 10մ) հարակից ձորակը` շրջվել:

Մինչ հրշեջ-փրկարարների կանչի վայր հասնելը՝ 1985 թ. ծնված Ա. Մ.-ը և 1974 թ. ծնված Վ. Ջ.-ը տեղի ուժերով տեղափոխվել են Եղեգնաձոր քաղաքի ԲԿ. բժիշկները տուժածների առողջական վիճակը գնահատել են միջին ծանրության:

Հրշեջ փրկարարները հոսանքազրկել և գազազրկել են ավտոմեքենան: