Ազնավուրը կոչ է անում օգնել ներգաղթյալներին

Աշխարհահռչակ ֆրանսահայ շանսոնյե Շառլ Ազնավուրը կոչ է արել օգնել Եվրոպա ժամանող ներգաղթյալներին. հայտնում է ТАСС-ը: Այդ մասին նա ասել է Agence France-Presse-ին տված հարցազրույցում:

«Ես իսկապես  տառապում եմ, երբ տեսնում եմ երեխաների հետ թափառող մարդկանց ամբոխները: Բարեբախտաբար, անձամբ նման ճակատագիր չեմ ունեցել, սակայն վստահ եմ, որ դրա միջով անցել են իմ գաղթած ծնողները»,- ասել է Հայոց ցեղասպանության հետևանքով հայրենիքը լքած Ազնավուրը:

Ազնավուրը հիշեցրել է նախկինում իր իսկ կողմից հնչեցրած գաղափարը: Նա առաջարկում է ներգաղթյալներին տեղավորել Ֆրանսիայի հեռավոր գյուղեր և քաղաքներ, որոնք տեղաբնակները գրեթե ամբողջությամբ լքել են: