Թուրքիայում 40 օրում 20 լրագրող է աշխատանքից հեռացվել. զեկույց

Գրաքննության դեմ համերաշխության կազմակերպությունը զեկույց է հրապարակել Թուրքիայում լրագրողների իրավունքների ոտնահարման, գրաքննության և արգելքների մասին. տեղեկացնում է «Ակօս»-ը:

Զեկույցի համաձայն՝

• 40 օրում 20 լրագրող հեռացվել է աշխատանքից, գլխավորապես` Hurriyet և Milliyet լրատվական կայքերից,

• հուլիսի 24-ից մինչ օրս 103 համացանցային կայքէջ արգելափակվել է՝ գրաքննության ենթարկվելով,

• արգելափակվել է նաև Twitter-ի 23 էջ, այդ թվում` լրագրողների պատկանող,

• 10 լրագրող ենթարկվել է հարձակման, 3 լրագրող ոստիկաններից սպառնալիք է ստացել,

• բրիտանացի երկու լրագրող է ձերբակալվել,

• 21 լրագրողի նկատմամբ դատական հայց է ներկայացվել՝ ընդհանուր` 157,5 տարի ձերբակալման պահանջով: