16-ամյա տղայի սպանության մեջ կասկածվողը խոստովանական ցուցմունք է տվել

Օգոստոսի 28-ին, ժամը 20.20-ին, հիվանդանոցից ոստիկանության Ստեփանավանի բաժնում հաղորդում է ստացվել, որ «որովայնի առաջնային մասի կտրած-ծակած վերք» ախտորոշմամբ իրենց մոտ է տեղափոխվել 1999 թ. ծնված Վարդան Գևորգյանը, ով մինչև բուժօգնություն ցույց տալը մահացել է:

Ձեռնարկված օպերատիվ-հետախուզական և քննչական միջոցառումների շնորհիվ՝ հանցագործությունը կատարելու կասկածանքով, 1993 թ. ծնված Սեյրան Գևորգյանը օգոստոսի 30-ին ձերբակալվել և տվել է խոստովանական ցուցմունք:

Հանցագործության գործիք դանակն առգրավված է: ՀՀ քրեական օրենսգրքի 104 հոդվածի 1-ին մասով հարուցվել է քրեական գործ:
Կատարվում է նախաքննություն: