Վեց ահաբեկիչ խոստովանական ցուցմունք է տվել

Այսօր լոնդոնյան դատարանում 6 իսլամականներ խոստովանել են, որ ծրագրել էին հարձակում գործել Մեծ Բրիտանիայի իսլամականացման դեմ բողոքող` աջ արմատական «Անգլիական պաշտպանության լիգա» կազմակերպության ցույցի վրա, որն անցկացվել էր Անգլիայի հյուսիսում` Դյուսբերի քաղաքում: Ըստ նրանց ցուցմունքների` 2012-ի հունիսի 30-ին  նրանք մտադրված են եղել հարձակվել ցուցարարների վրա հրազենով, դանակներվ, սրերով, նաեւ ցանկացել են ինքնաշեն ռումբ պայթեցնել` մեխերով լցոնված. տեղեկացնում է Интерфакс-ը:

Ահաբեկիչները չեն կարողացել կատարել իրենց գործը, քանի որ ցույցը ավելի վաղ է ավարտվել, քան իրենք հասել են Դյուսբերի:

Դատավճիռը հավանորեն կկայացվի հունիսի 6-ին: