Մենք շատ ենք սիրում մեր հայրենիքը. Գեղամյանը` Սերժ Սարգսյանի հետ հանդիպման մասին

«Ազգային միաբանություն» կուսակցության նախագահ, ԱԺ պատգամավոր Արտաշես Գեղամյանը Yerkir.am-ի հետ զրույցում հայտարարեց, որ սահմանադրական փոփոխությունների շրջանակում Սերժ Սարգսյանի հետ տեղի ունեցած հանդիպումը ոչ միայն արդյունավետ էր, այլ նաև` ապագային միտված:

««Ազգային միաբանություն» կուսակցությունում երեկվա հանդիպման հետ կապված քննարկումներ արվեցին: Բոլորիս համար ամենակարևորը այն էր, որ Սերժ Սարգսյանի հետ հանդիպման ընթացքում  փոխադարձ ըմբռնում կար»,- ասաց Գեղամյանը` հավելելով. «Երբ մտորում ես, հասկանում ես, որ այդ փոխադարձ ըմբռնումը պայմանավորված էր նրանով, որ մենք շատ ենք սիրում մեր հայրենիքը և  ուզում ենք, որ մեր երեխաները, մեր թոռները ասեն`իրենց հայրերը, իրենց պապիկները ճշմարիտ ճանապարհի վրա են եղել»: Պատգամավորի դիտարկմամբ` իրենք արհամարհել ենք ցանկացած վայրահաչոց, որը ոչ թե հետապնդում է երկրի ապագայի հետ կապված հարցերին ավելի ճշգրիտ և ավելի ավելի ծանրակշիռ մոտեցումներ, այլ` պարզապես միտում ունի  հասնել ռևանշի:

Գեղամյանի խոսքով`«Ազգային միաբանություն» կուսակցության նման վերաբերմունքը բոլորովին էլ  նոր չէ. «Հանդիպման ժամանակ հերթական անգամ մենք ականատեսն ու արձանագրողը եղանք, որ փոխադարձ ըմբռնում կա: «Ազգային միաբանություն» կուսակցության գնահատականներն ու դիրքորոշումները այնպես չէ որ հանդիպումից հետո նոր են տրվում: Մեր տեսակետը հայտնի էր նաև մինչև հանդիպումը»: