Թուրքիայի ՆԳ նախարարին հայկական որբանոցի մասին հարցեր են ուղղել

Թուրքիայում հայկական որբանոցի ոչնչացման դեմ պայքարողների վրա հարձակումը հայտնվել է մեջլիսի օրակարգում:

Ինչպես տեղեկացնում է \"Ակօս\"-ը` քրդամետ ժողովուրդների դեմոկրատական կուսակցության Կ.Պոլսից պատգամավոր Ֆիլիզ Քերեսթեջիօղլուն այդ մասին հարցեր է ներկայացրել ՆԳ նախարար Սեբահաթթին Օզթուրքին:  

ՆԳ նախարարին ներկայացված հարցերն են.

* Չնայած դրան, որ կասկածելի անձանց և հայկական որբանոցը որպես թիրախ ներկայացնող թերթերի մասին զեկուցվել է Թուզլայի քաղաքապետարանին և Կ. Պոլսի ոստիակնությանը, ինչո՞ւ անվտանգությունն ապահովելու ուղղությամբ ոչ մի գործողություն չի ձեռնարկվել:

* Որբանոցի մոտակայքում հանգիստ շրջող կասկածելի անձանց մասին զեկուցվե՞լ է մեր ոստիկանությանը: Կասկած կա՞ արդյոք, որ հենց այդ անձիք հարձակում են նախատեսում:

* Թուրքիայում հայերի նկատմամբ հարձակումներից ամենադաժանը Հրանտ Դինքի դեմ էր: Նմանատիպ դեպքերը կանխելու մտադրությամբ նախարարությունը որևէ հրահանգ տվե՞լ է: 

* Հարձակումը ամենայն մանրամասնությամբ հետաքննելու ուղղությամբ որևէ հրահանգ եղե՞լ է: Մինչ օրս ինչ-որ հարձակում կանխվե՞լ է: