Կոչ են անում համայն հայությանը` միանալ Թուրքիայում հայկական որբանոցի ոչնչացման դեմ պայքարին

Թեեւ «Արդարություն և զարգացում» կուսակցության պատգամավոր Մարգար Եսայանը խորհրդարանական ընտրություններից առաջ խոստացել էր, որ հայկական որբանոցի սեփականությունը կվերադարձվի հայկական կողմին, սակայն այդ ուղղությամբ դեռ ոչ մի քայլ չի ձեռնարկվել:

Պատահական չէ նաև, որ Թուրքիայում «Նոր Զարթոնք» հայկական միությունը հայտարարություն էր տարածել` նշելով, որ, ըստ երևույթին, հայկական որբանոցի անունը Եսայանն օգտագործել է խորհրդարանական ընտրություններում տվյալ կուսակցության քարոզարշավն իրականացնելու համար:

Որբանոցի ոչնչացման դեմ պայքարի մասնակիցները, սակայն, շարունակում են գիշերել որբանոցում և կազմակերպել տարբեր միջոցառումներ՝ կանխելու որբանոցը ոչնչացնելու հնարավոր հերթական փորձը: Նրանք նաեւ իրենց աջակցելու կոչ են անում համայն հայությանը: