Ինչպե՞ս ամռանը զերծ մնալ սննդային թունավորումներից

Սննդաբան Հասմիկ Աբովյանը yerkir.am-ի հետ զրույցում նշեց, որ ամառվա սեզոնին սննդային թունավորումներից զերծ մնալու համար շատ կարևոր է հետևել հիգիենայի պահպանմանը և սննդամթերքի պիտանելության ժամկետին:

«Բնականաբար, կարևոր է  շատ հեղուկ օգտագործել, հետևել հիգիենայի կաննոներին, խուսափել սխալ մշակված սննդամթերքի օգտագործումից: Օրինակ, եթե խոսենք հավի ձվի մասին, ապա ասեմ, որ այս սեզոնին պետք է խուսափել թերխաշ ձվի օգտագործումից, քանի որ ձվի կճեպը լայն ծակոտիներ ունի և այդ ճանապարհով կարող է ներթափանցել սարմոնելոզ ինֆեկցիան: Բանն այն է, որ քիչ ջերմային մշակման դեպքում այդ ինֆեկցիան չի չեզոքանում և մանրէների բազմացման համար նպաստավոր միջավայր է ստեղծվում, ինչն էլ կարող է հանգեցնել թունավորման»,- ասաց սննդաբանը` հավելելով, որ կարելի է ուտել թերխաշ լորի ձու, քանի որ լորի մարմնի ջերմաստիճանը բարձր է և այդ ջերմային պայմաններում մանրէները չեն բազմանում:

Նա նշեց նաև, որ յուրաքնչյուր սննդամթերք կարող է օգտակար լինել միայն ճիշտ մշակման պայմաններում: