Եվրոպա լիգա. «Ալաշկերտ»-ը դուրս եկավ 2-րդ փուլ

 Երևանի «Ալաշկերտ»-ը  Եվրոպա լիգայի մրցաշարի որակավորման առաջին փուլի պատասխան խաղում 2:1 հաշվով պարտվեց շոտլանդական «Սենթ-Ջոնսթոն»-ին, սակայն հաջորդ փուլի ուղեգիր նվաճեց, քանի որ մեկ շաբաթ առաջ սեփական հարկի տակ տեղի ունեցած խաղում  նվազագույն հաշվով հաղթել էր մրցակցին:

Պատասխան խաղում   արդեն 34-րդ րոպեին տանտերերը բացեցին հաշիվը: 65-րդ րոպեին Կարեն Մուրադյանը կարմիր քարտի արդյունքում հեռացվեց խաղադաշտից, սակայն 10 րոպե անց Խաշմանյանի սաները կարողացան խփել պատասխան գոլը: Աչքի ընկավ Նորայր Գյոզալյանը: Հիմնական ժամանակի ավարտից 3 րոպե առաջ շոտլանդացիները ևս մեկ անգամ գրավեցին Կասպարովի դարպասը: Հանդիպումն այդպես էլ ավարտվեց և դիմակայությունում գրանցված 2:2 հաշիվը Ալաշկերտին դուրս բերեց հաջորդ փուլ: