Այսօր այստեղ լուսացնում ենք, հաջորդ հավաքը` հինգշաբթի 19:00-ին. ակտիվիստ

Ազատության հրապարկում նախաձեռնող խմբի անդամներից Նարեկ Այվազյանը հայտարարեց. «Մենք շարունակում ենք այստեղ մնալ: Մենք  չենք գնալու բախումների: Գիտենք, որ մեզ երթ թույլատրելու խնդիր չկա, սակայն գիտենք մեր իրավունքները, ավելորդ լարվածություն չառաջացնելու համար շարունակում ենք մնալ Ազատության հրապարaկում, կլուսացնենք այստեղ: Եւ հետո հավաքվում ենք  հինգշաբթի 19:00ին` խաղաղ միջոցառում իրականացնելու»:

Երեւանի փոխոստիկանապետ Վալերի Օսիպյանը ակտիվիստներին հորդորեց եւս 3 օր հետաձգել հավաքը, դիմել քաղաքապետարան հավաքի կամ երթի համար եւ ամեն ինչ անել օրենքով նախատեսված կարգով: Ակտիվիստները մերժեցին փոխոստիկանապետին: Նրանք հայտարարեցին, որ իրեց հարմար է հինգշաբթի օրը, կիրակին համար չէ, որովհետեւ  հանգստյան օր է, եւ ցուցարարները շատ չեն լինի: