Կանգնեք լուռ եւ ոչ մի բան տեղի չի ունենա. Օսիպյանը հորդորում է չաղմկել

Բաղրամյան պողոտայում Երեւանի փոխոստիականպետ Վալերի Օսիպյանը նորից բարկանում է: «Դադարեցրեք աղմուկը, 23:00-ից հետո ոչ մեկ իրավունք չունի աղմկել: Երեկ նորմալ պահպանել եք, խնդրում ենք նույն ձեւով շարունակեք:  Պահպանեք համակեցության պայմանները, հակառակ դեպքում ոստիկանությունը քայլերի կդիմի»:

Օսիպյանը պողոտայի նոր «առաջնորդներին» հորդորեց միջամտել եւ հայտարարել, որ աղմկել չի կարելի:

Ցուցարարներից մի քանիսը դժգոհություն հայտնեցին, ինչը բարկացրեց Օսիպյանին: «Ձեզ ինչ ասում են արեք, քանի անգամ կարելի ա բացատրել»:

Ի պատասխան, ցուցարարները սկսեցին բացականչել` Հայաստան, Հայաստան:

«Մենք ցանկություն չունենք խնդիր ունենալ ձեզ հետ, մենք ձեզնից մեկն ենք: Մեր եւ հարաբերությունները եկեք կառուցենք փոխադարձ հարգանքի վրա: Կանգնեք լուռ եւ ոչ մի բան տեղի չի ունենա»,- ասաց Օսիպյանը: