Իսկ ո՞վ ասաց, որ չեն կարող լինել թերություններ ու սխալներ. Վլադիմիր Գասպարյան

Այսօր վաղ առավոտյան ցուցարարների մոտ շրջայց կատարելու էր եկել ոստիկանապետ Վլադիմիր Գասպարյանը: Նրա հետ էր ոստիկանության զորքերի հրամանատար Լևոն Երանոսյանը:

Լրագրողների հարցին, թե ինչպե՞ս կմեկնաբանի իր ենթակայի՝ Լևոն Երանոսյանի պահվածքը օրեր առաջ, երբ նա հայհոյում էր լրագրողներին, Վլադիմիր Գասպարյանը պատասխանեց. «Նշանակված է ծառայողական քննություն, և ՀՔԾ-ում կա հարուցված քրեական գործ, ինչո՞ւմն ա բանը: Իսկ ո՞վ ասաց, որ չեն  կարող լինել թերություններ ու սխալներ»:

Նա այլևս չցանկացավ պատասխանելորևէ հարցի և հորդորեց լրագրողներին` դադարեցնել հարցեր տալը, որ ամեն մեկը զբաղվի իր գործով:

Լևոն Երանոսյանը, ի պատասխան հարցին` ինչո՞ւ է հայհայել լրագրողներին, ոչինչ չպատասխանեց և արագորեն հեռացավ ոստիկանապետի հետ: Փոքր-ինչ ուշ Վլադիմիր Գասպարյանը սկսեց զրուցել ԱԺ պատգամավոր Նիկոլ Փաշինյանի հետ: