Ժաննան կմնա իմ բացարձակ, մաքուր, անկրկնելի երջանկությունը. Շեպելեև

Ժաննա Ֆրիսկեի ամուսին Դմիտրի Շեպելևը սոցցանցի իր էջում խոսել է կնոջ մահվան մասին:

«Ինձ միշտ կրկնում էին՝ «երջանկությունը լռություն է սիրում»: Ես հավատարիմ եմ մնում այդ խոսքերին. Ժաննան կմնա իմ բացարձակ, մաքուր, անկրկնելի երջանկությունը: Մենք չենք հանձնվել և պայքարել ենք, որ հաղթենք: Ասում են՝ 2 տարին նման իրավիճակի համար շատ է: Մեզ համար, իհարկե, շատ քիչ էր: Ես վստահ գիտեմ, որ առանց ձեզ չէինք կարող հաղթահարել այդ ամենը: Շնորհակալություն եմ հայտնում յուրաքանչյուրին, ով գումար է նվիրաբերել  Ժաննայի համար, ուղղակի մտածել նրա մասին, երջանկություն և ուժ մաղթել: Այդ երկու տարիները նաև ձեր շնորհիվ էին»,- գրել է նա: