«Զվարթնոց» օդանավակայան ժամանած տղամարդը եղբորը դիմավորելիս ինքնասպանության փորձ է կատարել

Այսօր` առավոտյան ժամը 9:45-ին,  ՏԿԱԻՆ-ի 9-11 ծառայությունն ահազանգ է ստացվել, որ «Զվարթնոց» օդանավակայանում քաղաքացին փորձում է ինքնասպանություն գործել: Այս մասին yerkir.am-ին հայտնեցին ոստիկանությունից: Դեպքի վայր են ժամանել ոստիկաններ ու հրշեջ-փրկարարներ:

Պարզվել է, որ 51-ամյա Ռ. Ա-ն, Ռուսաստանից ժամանած եղբորը դիմավորելու ժամանակ երբ նկատել է, որ եղբայրը Հայաստան մուտք գործելու խնդիրներ ունի, փորձել է իր մոտ եղած հատուկ գոտիով կախվելու միջոցով ինքնասպանություն գործել: Բարեբախտաբար, ինքնասպանության փորձը կանխվել է:

Փաստի առթիվ ոստիկանությունում նյութեր են նախապատրաստվում: Ներկայումս դեպքի վայրում քննիչներն են աշխատում: