ՄԱԿ-ն արաբական կոալիցիային մեղադրում է միջազգային իրավունքի կոպիտ խախտման մեջ

Եմենում ՄԱԿ-ի ներկայացուցիչը արաբական կոալիցիայի զորքերին մեղադրել է  այդ երկրի հյուսիսում  խաղաղ բնակիչներին ռմբակոծելու համար, հայտնում է BBC-ն:  

Յոհանես վան դեր Կլոուն հայտարարել է, որ Սաադա քաղաքի բնակիչները հայտնվել են ծուղակի մեջ եւ չեն կարողանում լքել իրենց բնակավայրը՝ տրանսպորտի եւ վառելիքի բացակայության պայմաններում:

ՄԱԿ-ի ներկայացուցիչը արաբական կոալիցիայի կողմից իրականացվող ռմբարկություններն անվանել է միջազգային իրավունքի կոպիտ խախտում:

Ավելի վաղ հայտնի էր դարձել, որ արաբական կոալիցիան տասնյակ ավիահարվածներ է հասցրել  Եմենի հյուսիս-արեւմուտքում՝ խուսիտների դիրքերին, ինչի հետեւանքով տասնյակ կառավարական ու բնակելի շենքեր են ոչնչացվել, դադարեցվել է էներգամատակարարումը: