Բերման են ենթարկել Կարո Եղնուկյանին, Գեւորգ Սաֆարյանին...(լրացված)

Քիչ առաջ տեղեկացանք, որ խուզարկություն է իրականացվել նաև Հիմնադիր խորհրդարանի Վանաձորի գրասենյակում, և բերման են ենթարկել գրասենյակի պատասխանատու, ՀԽ անդամ Հովհաննես Ղազարյանին:

Yerkir.am-ի լրագրողը հայտնում է, որ Հիմնադիր խորհրդարանի՝ Երևանում գտնվող կենտրոնական գրասենյակում այս պահին դեռ խուզարկությունը շարունակվում է: Քիչ առաջ ժամանեց ՀԽ անդամ Գագիկ Սարուխանյանը, ով փորձեց մտնել իր աշխատասենյակ, սակայն նրան թույլ չտվեցին:

Նրա խոսքով՝ այդ տարածքում խուզարկությունն ապօրինի է տեղի ունենում, քանի որ խուզարկության թույլտվություն չկա, իսկ գրասենյակն էլ ոչ թե գրանցված է Հիմնադիր խորհրդարանի, այլ «Իրավունք և աջակցություն» հիմնադրամի անունով:

Քիչ առաջ հայտնի դարձավ նաև, որ բերման են ենթարկել նաև Կարո Եղնուկյանին,. Գևորգ Սաֆարյանին և ՀԽ Կապանի գրասենյակի պատասխանատու Գևորգ Գասպարյանին: