Թուրքիայի ԶՈՒ-ում ավելի շատ ինքնասպան են լինում, քան զոհվում

Թուրքիայում իրավաբանների միությունն ու Թոշակի անցած սպաների ասոցիացիան Ազգային մեծ մեջլիսում համատեղ կոնֆերանս են կազմակերպել, որի ընթացքում զեկուցել են Թուրքիայի զինված ուժերում ճնշումների և ինքնասպանության դեպքերի մասին. տեղեկացնում է Haberler-ը:

Զեկույցի համաձայն` Թուրքիայի զինված ուժերում վերջին տասը տարիների ընթացքում զոհվել է 818 զինծառայող, ինքնասպան եղել` 934-ը:

Բացի այդ` տեղեկացնում են, որ 2012-ից ի վեր այդ մասին պաշտոնական թվեր չեն ներկայացվել:

Իսկ ինչ վերաբերում է ճնշումներին` զինծառայողների 42 տոկոսը դժգոհ է վիրավորանքից, 30-ը` ծեծից, 28-ը` անհիմն պատիժներից, 24-ը` առողջական ծառայություններից չօգտվելուց, 14-ը` ֆիզիկական ծանր աշխատանքից, 14-ը` սպառնալիքներից, 7-ը` ավագների անձնական գործերին ծառայելուց, դարձյալ 7-ը` անքնությունից: