Ինչու Րաֆֆի Հովհաննիսյանը չէր գնացել նախագահական

Արդեն տեղեկացրել ենք, որ նախագահ Սերժ Սարգսյանը երեկ հանդիպել է 6 քաղաքական ուժերի հետ և քննարկել սահմանադրական բարեփոխումների հարցը: Ուշագրավ է, որ «Ժառանգություն» կուսակցությունից նախագահի հետ հանդիպման գնացել էին միայն Ռուբեն Հակոբյանը և Արմեն Մարտիրոսյանը:Կուսակցության ղեկավար Րաֆֆի Հովհաննիսյանը հանդիպմանը ներկա չէր:

Yerkir.am-ը «Ժառանգության» փոխնախագահ Արմեն Մարտիրոսյանից փորձեց ճշտել, թե ինչո՞ւ Րաֆֆի Հովհաննիսյանը չէր գնացել նախագահական: «Րաֆֆի Հովհաննիսյանը Հայաստանում չէ, ԱՄՆ-ում է: Այս պահին այստեղ չէ, թե այստեղ լիներ կհանդիպե՞ր, արդյոք, թե՞ չէ, դա արդեն այլ հարց է, որի պատասխանը ես չունեմ, բայց այս պահին նա այստեղ չէ»,- ասաց Մարտիրոսյանը: