Րաֆֆի Հովհաննիսյանը գնում է նախագահական` առանձնազրույցի

Քիչ առաջ Ազատության հրապարակում «Ժառանգություն» կուսակցության առաջնորդ Րաֆֆի Հովհաննիսյանը հայտարարեց, որ, գործող նախագահի մամուլի խոսնակի հաղորդմամբ, իրեն հրավիրել են նախագահական նստավայր` Սերժ Սարգսյանի հետ առանձնազրույցի, ինքն ընդունում է հրավերը եւ հենց հիմա էլ գնում է հանդիպման:

Նա վստահեցրեց, որ ինքը նախագահի հետ խոսելու է միայն իշխանափոխությունից, իսկ վաղը` ժամը 17-ին, ժողովրդին հրավիրեց Ազատության հրապարակ` արտոնագրված հանրահավաքի:

Ի դեպ, ճանապարհին ոստիկանության գնդապետ Վալերի Օսիպյանը կանգնեցրեց Հովհաննիսյանին եւ, հղում տալով երթերի, ցույցերի մասին օրենքին, ըստ որի` 90-ից ավելի մարդ չի կարող մասնակցել երթի, եթե այն ինքնաբուխ է, նշեց, որ խախտվում է օրենքը: Ըստ այդմ` Հովհաննիսյանը խնդրեց իր կողմակիցներին քայլել 50-50 խմբերով: