Փոխարժեքներ
22 10 2024
|
||
---|---|---|
USD | ⚊ | $ 387.16 |
EUR | ⚊ | € 419.99 |
RUB | ⚊ | ₽ 4.03 |
GBP | ⚊ | £ 504.2 |
GEL | ⚊ | ₾ 142.18 |
ԲՀԿ-ի նոր նախագահ Նաիրա Զոհրաբյանը, իր պաշտոնը ստանձնելուն պես, գործի է անցել:
Ըստ որոշ տեղեկությունների՝ Նաիրա Զոհրաբյանը քիչ առաջ իր մի քանի համախոհների հետ այցելել է Հանրապետության փողոցում տեղակայված մի հաստատություն, որը նախկինում օգտագործվում էր ռամկավարների կողմից: Ըստ ամենայնի՝ այդ տարածքում տեղ կգտնի ԲՀԿ-ի նոր գրասենյակը:
Տեղեկության հավաստիությունը ճշտելու նպատակով Yerkir.am-ը կապ հաստատեց ԲՀԿ նորանշանակ մամուլի խոսնակ Վահան Բաբայանի հետ: Նա մեզ հետ զրույցում ո՛չ հերքեց, ո՛չ էլ հաստատեց մեր այս տեղեկությունը՝ նշելով. «Այս պահի դրությամբ մենք տեղեկություն չունենք նոր հասցեի վերաբերյալ»:
Վահան Բաբայանի տեղեկացմամբ՝ նոր տարածքի վարձակալության վերաբերյալ իրենք տեղեկություն կտարածեն: