«Բորուսիա»-ն հաղթեց. Մխիթարյանը մասնակցեց 2-րդ խաղակեսին

Գերմանական Բունդեսլիգայի 22-րդ տուրում Դորտմունդի «Բորուսիա»-ն արտագնա խաղում 3:2 հաշվով առավելության հասավ մրցաշարային աղյուսակը եզրափակող  «Շտուտգարտ»-ի նկատմամբ:  25-րդ րոպեին Օբամեյանգն առաջ մղեց հյուրերին: 7 րոպե անց Կլեյնը 11 մետրանոց հարվածով հավասարեցրեց հաշիվը, իսկ 39-րդ րոպեին Գյունդոգանը  կրկին առաջ մղեց դորտմունդցիներին: Հանդիպման հիմնական ժամանակի վերջին րոպեին Ռոյսը հաշիվը դարձրեց 3:1, իսկ ավելացված ժամանակում տանտերերը կրճատեցին հաշվի տարբերությունը: Գոլի հեղինակ դարձավ Նայդերմեյերը:

Հավելենք, որ Հայաստանի ազգային հավաքականի կիսապաշտպան Հենրիխ Մխիթարյանը պահեստայինների թվում էր և խաղադաշտ դուրս եկավ առաջին խաղակեսից հետո:

 Այս հաղթանակից հետո  «Բորուսիա»-ն միավորների քանակը հասցրեց 25-ի  և բարձրացավ 10-րդ հորիզոնական: Տուրի մյուս հանդիպումները տեղի կունենա շաբաթ և կիրակի օրերին: