Թուրքիայում հայ հանցախումբ է ձերբակալվել

Կ.Պոլսի Սաջաքթեփե շրջանում 5 հոգանոց հայ հանցախումբ է ձերբակալվել:

Ըստ Haberler-ի՝ նրանք աշխատելիս են եղել առանձնատներից մեկում եւ տանտերերի բացակայության ժամանակ, Հերիքնազ Ա.-ի և Սերժ Թ.-ի գլխավորությամբ, թալանել են 100 հազար լիրա արժողությամբ զարդեր:

Տանտերերը, նկատելով զարդերի կորուստը, զանգարել են ոստիկանություն: Ստուգվել է մուտքի տեսախցիկը: Սոցկայքում ոստիկանները գտել են կին հանցագործի լուսանկարը և կապ հաստատել նրա ընկերների հետ: Տեղեկանալով նրանց գտնվելու վայրի մասին՝ ոստիկանները ձերբակալել են հանցախմբին:

Սանջաքթեփե ոստիկանության հանցագործությունների բաժնում ցուցմունք տալուց հետո հանցախմբի ղեկավարներ Հերիքնազ Ա.-ն և Սերժ Թ.-ն ձերբակալվել են, իսկ մյուս երեքի գործը հանձնել են դատարան: