Բաքուն մեսիջ հղեց Մոսկվային և Եվրոպային. Независимая газета

Այն բանից հետո, երբ ՄԱԿ-ում Բաքուն կողմ արտահայտվեց Ուկրաինայի տարածքային ամբողջականությանը, շատերը հույս ունեին, որ Ռուսաստանի ու Ադրբեջանի միջև «սև կատու» կանցնի. գրում է Независимая газета-ի՝ Բաքվի թղթակիցը:

«Ենթադրվում էր անգամ, որ բոլոր միջազգային հարթակներում Բաքուն ռուսական նախաձեռնություններին դեմ հանդես կգա: Սակայն, հակառակ դրան, Ադրբեջանը որոշեց նոր մակարդակի հասցնել համագործակցությունը Մոսկվայի հետ: Իսկ ԵԽԽՎ-ում Ռուսաստանին աջակցելը շատերն ընկալեցին որպես Բաքվի արտաքին քաղաքականության ուղղության փոփոխություն:

Ադրբեջանցի վերլուծաբանների մեծ մասը նշում է, որ Ադրբեջանը ԵԽԽՎ-ում, մի կողմ թողնելով ազգային շահերը, փաստորեն, ուղերձ հղեց  ինչպես Եվրոպային, այնպես էլ Մոսկվային:

Ադրբեջանի պատվիրակության ղեկավար Սամեդ Սեիդովը ասել է, որ Ռուսաստանին մեկուսացնելու փորձերն ապարդյուն են: Մոսկվայի հետ կարելի է և պետք է քաղաքականություն կառուցել փոխվստահության և երկխոսության հիմքով: Իսկ Ռուսաստանին ուկրաինական իրադարձությունների համար պատժելը երկակի չափանիշների կիրառման տարրական օրինակ է»,- գրում է թերթի ադրբեջանցի թղթակիցը:

Ի դեպ, կրկնելով հին երգը, նա դարձյալ խոսում է  Հայաստանի կողմից իրենց տարածքների 20%-ի «օկուպացման» մասին: