ԱՄՆ-ի նպատակը Ռուսաստանում իշխանափոխությունը չէ. Պսակին պատասխանել է Պուտինին

 ԱՄՆ-ը ողջունում է ԵՄ-ի՝ Ղրիմի եւ Սեւաստոպոլի նկատմամբ հավելյալ պատժամիջոցներ կիրառելու որոշումը: Այդ մասին հայտարարել է ԱՄՆ պետդեպարտամենտի ներկայացուցիչ Ջեն Պսակին. հայտնում է Лента.ру-ն:

«Ղրիմն Ուկրաինայի մի մասն է, և ԱՄՆ-ը «յոթնյակի» իր գործընկերների ու Եվրամիության հետ այս պատժամիջոցներով հստակ հասկացնել տվեց, որ դատապարտում է Ռուսաստանի կողմից Ղրիմի անեքսիան, որը մենք չենք ընդունում»,- ասել է նա: 

Լրագրողները խնդրել են Պսակիին նաև մեկնաբանել ՌԴ նախագահ Վլադիմիր Պուտինի՝ ասուլիսի ժամանակ ասած խոսքերը, որոնք նշանակում են, որ Մոսկվան համարում է, որ պատժամիջոցներով և Արևմուտքի ճնշումներով փորձում են ռեժիմի փոփոխություն իրականացնել:

«Կարծում եմ՝ դա, անշուշտ, ԱՄՆ-ի նպատակը չէ»,- ասել է նա: