Պուտինը՝ ԵՏՄ-ի և տնտեսական ճգնաժամի մասին

ՌԴ նախագահ Վլաիմիր Պուտինի մամուլի մեծ ասուլիսի ժամանակ հնչեց նաև հարց ԵՏՄ-ի վերաբերյալ:

Ղազախական հեռուստաընկերության  լրագրողը հետաքրքվեց` չե՞ն ազդի, արդյոք, ներկայիս տնտեսական խնդիրները ինտեգրման գործընթացների վրա: Նա նշեց, որ հունվարի 1-ից ՌԴ-ն, Ղազախստանը, Բելառուսը, Հայաստանը, հնարավոր է` նաև Ղրղզստանը ընդհանուր շուկա ունենան, չի՞ վերաճի ընդհանուր շուկան ընդհանուր ճգնաժամի:

Պատասխանելով հարցին՝ Պուտինը կրկնեց ավելի վաղ արտահայտած համոզմունքը, թե ռուսական տնտեսության աճն անխուսափելի է` միջազգային տնտեսության աճի,  ռուսական տնտեսության` էներգակիրների նոր գնին աստիճանաբար հարմարվելու հաշվին: Նա նշեց, սակայն, որ միասին հաղթահարել այդ ճգնաժամն ավելի հեշտ կլինի: