Բադմինթոն. Հայաստանի և Վրաստանի պատանեկան հավաքականներն ընկերական հանդիպումներ կանցկացնեն

Բադմինթոնի Հայաստանի և Վրաստանի պատանեկան հավաքականների միջև դեկտեմբերի 21-ին և 22-ին Երևանում կանցկացվեն ընկերական խաղեր: Խաղերի նպատակն է նախապատրաստվել 2015 թ. կայանալիք առաջնություններին, մասնավորապես՝ Իրանի միջազգային մրցաշարին և Եվրոպայի Մ19 տարեկանների թիմային և անհատական առաջնություններին: Հայ-վրացական ընկերական խաղերը կարևոր են նաև փորձի փոխանակման առումով, քանի որ Վրաստանի խաղացողները նոր են սկսում մտնել միջազգային ասպարեզ, իսկ մեր խաղացողներն ունեն հիմք և այդ հիմքի վրա փորձում են կառուցել խաղը: 

Հավելենք, որ Հայաստանի և Վրաստանի միջև համագործակցությունն արդեն գործում է մոտ 2 տարի, որի ընթացքում մի քանի անգամ Երևանում կազմակերպվել են ընկերական խաղեր: 2014 թ. ամռանը Հայաստանի և Վրաստանի Մ13 տարեկանների հավաքականները Բուլղարիայի բադմինթոնի ֆեդերացիայի նախագահ` բուլղարահայ Բյուզանդ Կասաբյանի հրավերով մասնակցեցին Բալկանյան երկրների Մ13 տարեկանների առաջնությանը: